İQTİSADİYYAT


Türkiyə Azərbaycanın müvafiq qurumları ilə birgə uğurlu fəaliyyətin davam etdirilməsində maraqlıdır

Bakı, 29 iyun, AZƏRTAC

Türkiyə Maarif Vəqfinin İdarə Heyətinin sədri Birol Akgün İqtisadiyyat Nazirliyində olub.

Nazirliyin mətbuat xidmətindən AZƏRTAC-a bildirilib ki, iqtisadiyyat nazirinin birinci müavini Elnur Əliyev qardaş Türkiyə ilə möhkəm dostluq və tərəfdaşlıq əlaqələrini, yüksək səviyyəli strateji əməkdaşlığı vurğulayıb. Qeyd edilib ki, ölkələrimiz iqtisadiyyatın müxtəlif sahələri ilə yanaşı, sosial, mədəni, humanitar sahələrdə də uğurla əməkdaşlıq edir. Bu baxımdan təhsil sahəsində, xüsusilə Türkiyənin qabaqcıl ali təhsil müəssisələri ilə qurulmuş sıx əlaqələr mühüm əhəmiyyət kəsb edir.

Türkiyə Maarif Vəqfinin İdarə Heyətinin sədri Birol Akgün təşkilatın fəaliyyəti barədə məlumat verib, Azərbaycanın müvafiq qurumları ilə həyata keçirilən uğurlu birgə fəaliyyətin davam etdirilməsində maraqlı olduqlarını bildirib.

Görüşdə qarşılıqlı maraq doğuran məsələlər barədə fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.