DÜNYA


Türkiyə Gürcüstana növbəti hərbi yardım edib

Tbilisi, 12 aprel, AZƏRTAC

Türkiyə Gürcüstanın Marneuli hərbi aerodromunu bərpa və yeni texniki avadanlıqla təchiz edəcək.

AZƏRTAC xəbər verir ki, bu barədə Türkiyənin Gürcüstandakı səfirliyindən məlumat verilib.

Bildirilib ki, təmir-bərpa və təchizat işləri iki ölkə arasında hərbi maliyyə əməkdaşlığı haqqında saziş çərçivəsində həyata keçirilir. Türkiyəli mütəxəssislər artıq aerodromun bərpasına başlayıblar.

İkitərəfli saziş çərçivəsində Türkiyə tərəfi mikroavtobus, yükqaldırıcı və maşınyuma avadanlığı, eləcə də digər vasitələri Gürcüstanın Müdafiə Nazirliyinə təqdim olunub.

Aprelin 12-də Gürcüstanın müdafiə naziri Cuanşer Burçuladze, Türkiyənin Gürcüstandakı səfiri Fatma Ceren Yazqan və digər rəsmi şəxslərin iştirakı ilə avadanlıqların təhvil-təslimi ilə bağlı sənəd imzalanıb.

Qeyd edək ki, Marneuli aerodromu 2008-ci ilin avqust müharibəsində bombardman edilib. Hərbi obyektin bərpası üçün Türkiyə ötən ilin oktyabrında Gürcüstana təxminən 14 milyon ABŞ dolları vəsait ayırıb. Qrant layihəsi çərçivəsində Gürcüstan Türkiyə istehsalı olan avadanlıqlar alacaq. Razılaşmaya əsasən, vəsait, həmçinin aerodromun modernləşdirilməsi üçün də sərf olunacaq.

Xətayi Əzizov

AZƏRTAC-ın xüsusi müxbiri

Tbilisi

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.