DÜNYA


Türkiyə Milli Təhlükəsizlik Şurasının növbəti iclası keçirilib

Ankara, 29 sentyabr, AZƏRTAC

Prezident Rəcəb Tayyib Ərdoğanın sədrliyi ilə Türkiyə Milli Təhlükəsizlik Şurasının növbəti iclası keçirilib.

AZƏRTAC xəbər verir ki, bu barədə Türkiyənin Prezident Administrasiyası məlumat yayıb.

İclasda Türkiyə üçün xüsusi əhəmiyyət daşıyan gündəlikdə olan mühüm məsələlər barədə məlumatlar dinlənilib. Türkiyənin davamlı sülhə nail olmaq üçün ciddi səylər göstərən Azərbaycana güclü dəstək verdiyi bildirilib. Bölgə ölkələri başda olmaqla məsələyə müdaxilə edən bütün aktorlara mövcud anlaşılmazlıqları dərinləşdirmək əvəzinə birdəfəlik həllə səmimiyyətlə təsir göstərməyin əhəmiyyətli olduğu vurğulanıb. O cümlədən, PKK/KCK-PYD/YPG-SDG, FETÖ və İŞİD terror təşkilatlarına qarşı ölkə daxilində və dövlət sərhədlərindən kənarda həyata keçirilən antiterror əməliyyatlara toxunulub.

Eyni zamanda Türkiyənin xarici siyasətinə bağlı olan bütün istiqamətlərə dair məlumatlar dinlənilib. Həmçinin Yunanıstanı qeyri-hərbi statuslu adalarda silahlanmağa təhrik edən tərəflər sağlam düşüncəyə dəvət edilib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.