DÜNYA


Türkiyə Prezidenti: “Fatih” kəşfiyyat gəmisi Qara dənizdə yeni təbii qaz ehtiyatı aşkarlayıb

İstanbul, 4 iyun, AZƏRTAC

Türkiyənin “Fatih” kəşfiyyat gəmisi Qara dənizdə “Sakarya” yatağındakı “Amasra-1” quyusunda 135 milyard kubmetr təbii qaz ehtiyatı aşkarlayıb. Bununla da Qara dənizdə araşdırma aparan “Fatih” gəmisi tərəfindən aşkarlanan ümumi təbii qaz ehtiyatı 540 milyard kubmetrə çatıb.

AZƏRTAC xəbər verir ki, bu barədə Türkiyə Prezidenti Rəcəb Tayyib Ərdoğan qardaş ölkənin Zonquldak vilayətindəki Osmanlı sultanı Əbdülhəmid dövrünə aid 150 illik tarixi olan “Filyos limanı”nın rəsmi açılış mərasimində bildirib.

Qeyd edilib ki, Türkiyənin üç böyük limanından biri olan “Filyos” ölkə ixracatına da çox əhəmiyyətli bir töhfə verəcək və boğazların yükünü yüngülləşdirəcək. Liman, eyni zamanda, aşkarlanan təbii qazın quruya bağlanmasında da əhəmiyyətli rol oynayacaq.

Türkiyə Prezidenti, eyni zamanda, ilin sonuna qədər ölkə ixracatının 200 milyard dollara çatdırılacağını vurğulayıb.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.