DÜNYA


Türkiyə Prezidenti Rizədə Rəcəb Tayyib Ərdoğan Universitetinin yeni korpusunun açılışında iştirak edib

Ankara, 12 fevral, AZƏRTAC

Türkiyə Prezidenti Rizə şəhərində yerləşən Rəcəb Tayyib Ərdoğan Universitetinin Mühəndislik və memarlıq fakültəsinin yeni korpusunun açılışında iştirak edib.

AZƏRTAC xəbər verir ki, açılış mərasimindəki çıxışında Türkiyədə elm və təhsilin inkişafı istiqamətində görülən işlərə geniş yer ayıran dövlət başçısı bütün sahələr üzrə təhsil proqramlarının uğurla davam etdiriləcəyini əminliklə bildirib.

Ədalət və İnkişaf Partiyasının (AKP) siyasi hakimiyyəti dövründə Türkiyədə elm və təhsilin yüksəlişi üçün mühüm əhəmiyyətli strategiyanın gerçəkləşdiyini diqqətə çatdıran Prezident Rəcəb Tayyib Ərdoğan bildirib ki, bu sahəyə yönəldilən çoxistiqamətli sərmayə böyük nəticələr göstərib. Ötən dövrdə dövlət büdcəsində ali məktəblərə ayrılan illik 2,5 milyard vəsait 36 milyarda çatdırılıb. Universitetlərin inkişafına göstərilən dövlət dəstəyi bundan sonra da mühüm istiqamət kimi qorunacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.