DÜNYA


Türkiyə Prezidenti ilə NATO-nun Baş katibi arasında telefon danışığı olub

Ankara, 23 sentyabr, AZƏRTAC

Türkiyə Prezidenti Rəcəb Tayyib Ərdoğan ilə NATO-nun Baş katibi Yens Stoltenberqin arasında telefon danışığı olub.

AZƏRTAC xəbər verir ki, bu barədə məlumatı Türkiyə Prezidenti Administrasiyasının İctimaiyyətlə Əlaqələr İdarəsi yayıb.

Bildirilir ki, söhbət zamanı Şərqi Aralıq dənizindəki vəziyyət və Türkiyə-NATO münasibətləri dəyərləndirilib.

Prezident Rəcəb Tayyib Ərdoğan bildirib ki, Türkiyə Şərqi Aralıq dənizində gərginliyi aradan qaldırılması və dialoq tərəfdarı olduğunu sadəcə sözdə deyil real addımlarla açıq şəkildə konkret olaraq ortaya qoyub. Yunanıstan tərəfinin gərginliyi yüksəltmək və təhrikçi fəaliyyətinə qarşı Türkiyənin nəzərəçarpacaq dərəcədə soyuqqanlı şəkildə qarşılıq verdiyini vurğulayan dövlət başçısı ilkin görüşlərin başlaması Yunanıstanın münasibətləri yumşaltmaq üçün atacağı səmimi addımlardan asılı olacaqdır.

NATO-nun Baş katibi Yens Stoltenberqinin Şərqi Aralıq dənizindəki vəziyyəti nizamlamaq üçün göstərdiyi səyləri təqdirəlayiq dəyərləndirən Prezident Rəcəb Tayyib Ərdoğan bildirib ki, NATO-nun araşdırma niyyətini ilk andan dəstəkləyən Türkiyə gerçək nəticənin əldə olunmasını səmimiyyətlə arzu edir.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.