DÜNYA


Türkiyə-Qətər münasibətləri müttəfiqlik səviyyəsində dinamik inkişafdadır

Ankara, 7 dekabr, AZƏRTAC

Türkiyə Prezidenti Rəcəb Tayyib Ərdoğan Qətər Dövlətinə səfər edib.

AZƏRTAC Türkiyə KİV-lərinə istinadla xəbər verir ki, Qətər Dövlətinin Əmiri Şeyx Təmim bin Həməd Al Taninin dəvəti ilə həyata keçirilən rəsmi səfər çərçivəsində iki ölkə arasında 15 anlaşma imzalanıb.

Türkiyə-Qətər Ali Strateji Komitənin yeddinci toplantısında iştirak edən Türkiyə Prezidenti Rəcəb Tayyib Ərdoğan səfər çərçivəsində Doha şəhərində yerləşən Qətər-Türkiyə ortaq hərbi hissəsinə baş çəkib, hərbçilər qarşısında çıxış edib.

Prezident Rəcəb Tayyib Ərdoğan diqqətə çatdırıb ki, Türkiyə Qətərdə sabitliyin və inkişafın qorunmasına xüsusi əhəmiyyət verir.

Qeyd edək ki, Qətər Dövləti Yaxın Şərq bölgəsində Türkiyənin ən etibarlı müttəfiqidir. Hazırda Türkiyə şirkətləri Qətərdə 150 layihədə iştirak edirlər. Həmin layihələrin maliyyə dövriyyəsi təqribən 18 milyard ABŞ dolları civarındadır. Rəsmi Doha Qətərə qarşı tətbiq olunan ədalətsizliklərin dəf edilməsində Türkiyənin sərgilədiyi ədalətli mövqeyi hər zaman yüksək dəyərləndirib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.