DÜNYA


Türkiyə Respublikası tarixində Hərbi Dəniz Qüvvələrinin ən böyük təlimi başlayıb

Bakı, 27 fevral, AZƏRTAC

Fevralın 27-də Türkiyə Hərbi Dəniz Qüvvələrinin “Mavi Vətən 2019” adlı, respublika tarixində ən böyük hərbi təlimi başlayıb.

AZƏRTAC Anadolu Agentliyinə istinadla xəbər verir ki, ölkə tarixində ilk dəfə olaraq Türkiyəni əhatə edən Qara, Egey və Aralıq dənizlərində keçirilən təlimə 103 gəmi qatılıb. Təlimin təkcə Aralıq dənizinin şərqindəki hissəsində 5 freqat, 4 hücum, 2 minaaxtaran, 1 amfibiya, 1 yanacaq, 4 gözətçi, 1 sahil mühafizəsi gəmisi və 3 köməkçi gəmi iştirak edir.

NATO-nun təlim planına əsasən təşkil olunan “Mavi Vətən 2019”da altı aylıq planlaşdırma müddəti tətbiq edilir. Təlimin məqsədi Hərbi Dəniz Qüvvələrinə aid gəmilərin və hava sistemlərinin əməliyyatlara hazırlıq səviyyəsinin artırılmasıdır.

“Mavi Vətən 2019” təlimində əməliyyatların planlaşdırılması müddəti və ölkədə milli səviyyədə inkişaf etdirilərək hazırlanan Hərbi Dəniz Oyunlar Sistemi, eləcə də təlimin kompüter sistemlərinin dəstəyi ilə idarə edilməsinin səviyyəsi yoxlanılacaq.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.