Azərbaycan Dövlət İnformasiya Agentliyi

RƏSMİ SƏNƏDLƏR

Türkiyə Respublikasının Prezidenti Rəcəb Tayyib Ərdoğandan

Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident,

Əziz qardaşım.

Doğum gününüzü millətim adından və şəxsən öz adımdan təbrik etməkdən böyük sevinc hissi duyuram.

Azərbaycan bu gün beynəlxalq aləmdə nüfuzlu bir mövqeyə sahibdir. Siyasi və iqtisadi sahələrdə mühüm irəliləyişlərə nail olan Azərbaycanın bugünkü uğurlarında ən böyük pay, şübhəsiz ki, Zati-alinizə məxsusdur.

Digər tərəfdən, Azərbaycanla əlaqələrimizin mövcud səviyyəsi də eyni dərəcədə məmnunluq doğurur. Yüksək səviyyədə həyata keçirilən qarşılıqlı səfərlərlə əməkdaşlığımızı tarixi qardaşlığımızın layiq olduğu səviyyəyə çatdırmağa çalışırıq. Xalqlarımız arasındakı əlaqələri daha da möhkəmləndirərkən Sizinlə birgə işləməyə davam etməyin sevincini yaşayacağam.

Hörmətli Prezident, fürsətdən istifadə edib Sizə cansağlığı arzulayır, qardaş Azərbaycan xalqının rifahı üçün ən xoş diləklərimi bildirirəm.

Hörmətlə,

 

Rəcəb Tayyib Ərdoğan

Türkiyə Respublikasının Prezidenti

Xəbəri sosial şəbəkələrdə paylaşın

Bizi sosial şəbəkələrdə izləyin