İDMAN


Türkiyə Superliqası: “Beşiktaş” səfərdə "Göztəpə"yə məğlub olub

Bakı, 27 yanvar, AZƏRTAC

Yanvarın 26-da Türkiyə Superliqasının XIX turu çərçivəsində keçirilən matçda "Beşiktaş" səfərdə "Göztəpə"nin qonağı olub.

AZƏRTAC xəbər verir ki, oyuna fəal başlayan meydan sahibləri 25-ci dəqiqədə Halil Akbunarın vurduğu qol sayəsində hesabı açmağa nail olublar. İstanbul təmsilçiləri isə 38-ci dəqiqədə Burak Yılmazın onbirmetrlik cərimə zərbəsindən vurduğu qolla hesaba tarazlıq gətiriblər. Lakin "Göztəpə" 45-ci dəqiqədə zəfər qolunu vurmağı bacarıb. Celso Borges komandasının qələbəsini rəsmiləşdirib.

Günün digər qarşılaşmalarında "Qalatasaray" səfərdə "Konyaspor"u üç cavabsız qolla məğlub edib. "Dənizlispor" isə doğma meydanda "Antalyaspor"a 0:3 hesabı ilə uduzub.

Turun digər görüşləri bu gün keçiriləcək.

Hazırda turnir cədvəlində "Sivasspor" klubu 40 xalla vahid liderdir. "Fənərbağça" 37 xalla ikinci, "İstanbul Başakşəhər" 36 xalla üçüncüdür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.