İDMAN


Türkiyə Superliqası: “Fənərbağça” qazandığı qələbə sayəsində mövqeyini qoruyub

Bakı, 19 yanvar, AZƏRTAC

Yanvarın 18-də futbol üzrə Türkiyə çempionatının XIX turu çərçivəsində keçirilən qarşılaşmada “Fənərbağça” doğma meydanda paytaxt təmsilçisi “Ankaragücü”nü qəbul edib.

AZƏRTAC xəbər verir ki, qarşılıqlı hücumlar şəraitində keçən görüşdə İstanbul klubu rəqibini 3:1 hesabı ilə məğlub edib. Meydan sahiblərinin qollarını 28-ci dəqiqədə Mame Baba Tiam, 34-cü dəqiqədə Mbvana Samatta, 67-ci dəqiqədə isə Enner Valensia vurub. “Ankaragücü”nün heyətində isə Emre Güral fərqlənib.

Günün digər matçında isə “Ərzurumspor” səfərdə “Kasımpaşa”nı 2:1 hesabı ilə üstələyib.

Hazırda Türkiyə Superliqasına 38 xalla “Beşiktaş” başçılıq edir. Onunla eyni xala malik olan “Fənərbağça” 38 xalla ikinci, “Qaziantep” isə 34 xalla üçüncü pillədə qərarlaşıb.

Qeyd edək ki, yeni mövsümdə Superliqada 21 komanda yarışır. XV turda “Alanyaspor” istirahət edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.