İDMAN


Türkiyə Superliqası: “Qalatasaray” doğma meydanda “Antalyaspor”u darmadağın edib

Bakı, 12 mart, AZƏRTAC

Futbol üzrə Türkiyə Superliqasının XXV turunun yekun oyunu keçirilib. “Qalatasaray” doğma meydanda “Antalyaspor”u qəbul edib.

AZƏRTAC xəbər verir ki, “Türk Telekom” stadionunda baş tutan görüş meydan sahiblərinin ardıcıl hücumları ilə yada qalıb. Görüşün 17-ci dəqiqəsində “Qalatasaray”ın hücumçusu Sofiane Fequli hesabı açıb. Birinci hissə bu hesabla bitib.

İkinci hissənin 65-ci dəqiqəsində Henri Onyekurunun qolu ilə hesab arasındakı fərq artıb. Badou Ndiaye 68-ci dəqiqədə qonaqları bir daha mərkəzdən başlamağa məcbur edib. Henri Onyekuru 78-ci dəqiqədə özünün ikinci komandasının dördüncü qolunu vurub. Görüşün son qolunu Mbaye Diaqne 90-cı dəqiqədə vurub. Bu, oyunda vurulan son qol olub.

Beləliklə, “Qalatasaray” doğma meydanda “Antalyaspor”u 5:0 hesabı ilə məğlub edib. Bu qələbə sayəsinə İstanbul təmsilçisi xallarının sayını 49-a çatdırıb. Bu xalla komanda "Başakşəhər"dən 8 xal geri qalaraq 2-ci pillədə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.