İDMAN


Türkiyə Superliqası: “Qalatasaray” komandası öz meydanında xal itirib

Bakı, 8 dekabr, AZƏRTAC

Futbol üzrə Türkiyə Superliqasında 24 xalla dördüncü pillədə qərarlaşan “Qalatasaray” komandası 15-ci turda öz meydanında “Rizespor” ilə heç-heçə edib.

AZƏRTAC xəbər verir ki, İstanbul təmsilçisinin aşkar üstünlüyü şəraitində keçən görüşdə hesabı 40-cı dəqiqədə ev sahiblərinin heyətində Qeri Rodriqes açıb. Matçın 58-ci dəqiqəsində Eren Derdiyok “Qalatasaray”ın üstünlüyünü iki topa çatdırıb. Lakin qonaqlar 67-ci dəqiqədə Aminu Umarın, 13 dəqiqə sonra isə Brayan Samudionun qolları ilə matçda tarazlığı təmin ediblər.

Beləliklə, Fatih Terimin yetirmələri Superliqada doğma meydanda ardıcıl dördüncü dəfə heç-heçə ediblər.

Turun digər görüşündə “Trabzonspor” komandası “Konyaspor”u (3:0), “Sivasspor” isə “Göztəpə”ni (2:0) məğlub edib.

Çempionata 30 xalla “İstanbul Başakşəhər” komandası liderlik edir. İkinci sıradakı “Kasımpaşa”nın 26 xalı var. Hər iki kollektiv bir oyun az keçirib. Hər birinin aktivində 25 xal olan “Beşiktaş”, “Trabzonspor” və “Qalatasaray” komandaları müvafiq olaraq 3-5-ci yerləri bölüşdürürlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.