DÜNYA


Türkiyə XİN İranda törədilmiş dəhşətli terror aktını pisləyən bəyanat verib

Bakı, 14 fevral, AZƏRTAC

Türkiyənin Xarici İşlər Nazirliyi İranda çoxsaylı insan tələfatı ilə nəticələnən terror aktı ilə bağlı bəyanat yayıb.

AZƏRTAC Türkiyə XİN-in saytına istinadla xəbər verir ki, rəsmi Ankara İran xalqına və hökumətinə dərin hüznlə başsağlığı verib. Bəyanatda deyilir: “Biz İranın cənub-şərqində yerləşən Sistan-Bəlucistan bölgəsində əsgərləri daşıyan avtobusa terror hücumu nəticəsində çoxlu sayda insanın həlak olması və yaralanması xəbərini böyük kədər hissi ilə qarşıladıq. Bu mənfur terror aktını qətiyyətlə pisləyirik. Allahdan həyatını itirənlərə rəhmət diləyir və yaralıların tezliklə sağalmasını arzulayırıq. İran xalqına və hökumətinə dərin hüznlə başsağlığı veririk”.

Son məlumatlara görə, İran İslam İnqilabının Keşikçiləri Korpusunun əsgərlərini daşıyan avtobusa bombalı hücum nəticəsində 41 nəfər həlak olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.