Türkiyə dövlət sərhədində təhlükəsizlik tədbirlərini gücləndirib

Ankara, 17 avqust, AZƏRTAC

Türkiyənin Şanlıurfa Birecik rayonu ərazisində yerləşən Çiçəkalan Hudut polis məntəqəsinə hücum edən terrorçulara qarşı cəza tədbirləri həyata keçirilib. Bölgədə yerləşən dövlət sərhədində təhlükəsizlik tədbirləri gücləndirilib.

AZƏRTAC xəbər verir ki, həyata keçirilən uğurlu antiterror əməliyyatları nəticəsində 13 terrorçu zərərsizləşdirilib.

Xatırladaq ki, Çiçekalan Hudut polis məntəqəsinə hücum nəticəsində bu məntəqədə xidmət edən hərbçilərdən biri şəhid olub, dördü yaralanıb.