DÜNYA


Türkiyə əhalisinin 50 faizi vaksinasiya ilə əhatə olunub

İstanbul, 18 iyun, AZƏRTAC

Türkiyənin peyvəndləmə proqramına daxil edilən yetkinlik yaşına çatan ölkə əhalisinin 50 faizinin tam və ya ilk doza vaksinasiyası tamamlanıb.

AZƏRTAC xəbər verir ki, bu barədə ölkənin səhiyyə naziri Fahrettin Koca bildirib.

İstanbulda aparılan vaksinasiya proqramı haqqında danışan şəhərin Səhiyyə İdarəsinin müdiri professor Kamal Memişoğlu isə

iyunun 16-na olan rəqəmlərə əsasən meqapolisdə 6 milyon 531 min 933 doza peyvəndin tətbiq edildiyini deyib.

Bildirilib ki, təxminən 2,5 milyon vətəndaşa ikinci doza peyvənd vurulub. Yəni, artıq İstanbulda 2,5 milyon nəfər tam vaksinasiya olunub. Şəhərdə vaksinasiya prosesinin iyul ayının ilk həftələri tamamlanması planlaşdırılır. O vaxta qədər 12 yaşdan yuxarı olan hər bir şəhər sakini peyvəndlənəcək. Bu tarixdən etibarən İstanbulda açıq havada sosial məsafə qaydaları çərçivəsində maska taxmaq məcburiyyəti aradan qalxa bilər.

Şəhərdə yoluxma və ağır xəstə saylarının kəskin şəkildə azaldığını deyən professor insanların karantin rejiminə daha həssas yanaşacaqları təqdirdə iyul, avqust aylarından etibarən qadağaların da tədricən aradan qaldırılacağını deyib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.