DÜNYA


Türkiyə ərazisində hökm sürən əlverişsiz hava şəraiti turistik bölgələrdə fəsadlar yaradıb VİDEO

İstanbul, 9 yanvar, AZƏRTAC

Türkiyə ərazisində hökm sürən əlverişsiz və yağıntılı hava şəraiti bir sıra bölgələrdə fəsadlar törədib.

AZƏRTAC xəbər verir ki, ölkənin Muğla vilayətində yağan leysan yağışları ərazidə su daşqınları yaradıb. Çox sayda ev və iş yeri, eləcə də əkin ərazilərini su basıb.

Muğlanın turistik bölgələri olan Marmaris və Bodrum rayonlarında da analoji hal müşahidə edilib. Bölgədə təsirli olan dolu yağışı səbəbindən çox sayda avtomobil və qayığa ciddi ziyan dəyib. Bəzi iş yerlərinin dam örtükləri yararsız hala düşüb.

Baş verən torpaq sürüşməsi səbəbindən bir sıra magistral yollarda hərəkət məhdudiyyətləri yaranıb.

Çaylardan axan palçıqlı su səbəbindən Egey dənizinin rəngi qəhvəyi olub.

 

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.