DÜNYA


Türkiyə hökuməti koronavirus riskini azaltmaq üçün məhdudiyyətləri olduqca sərtləşdirib

Ankara, 30 noyabr, AZƏRTAC

Bütün dünyada sürətlə genişlənən yeni növ koronavirus (COVID-19) infeksiyasının Türkiyədə də yayılması sürətlənib. İnfeksiyadan qorunmaq üçün təmizlik, maska taxmaq və sosial məsafəyə əməl etmək lazımdır. Qaydalara əməl etməklə özümüzün təhlükəsizliyinə kömək edərik.

AZƏRTAC xəbər verir ki, bu fikirləri Prezident Rəcəb Tayyib Ərdoğan Türkiyə hökumətinin iclasından sonra əhaliyə müraciətində ifadə edib.

Türkiyənin COVID-19 infeksiyası ilə mübarizədə sistemli tədbirlər gördüyünü diqqətə çatdıran Prezident Rəcəb Tayyib Ərdoğan vurğulayıb ki, gələn aydan etibarən məlum infeksiyaya qarşı peyvəndin tətbiqi nəzərdə tutulub və peyvəndləmədə ilk sırada səhiyyə işçiləri dayanacaqdır.

İnfeksiyanın yayılma təhlükəsindən bəhs edən dövlət başçısı riskləri azaltmaq üçün tətbiq olunan yeni məhdudiyyətlər barədə ictimaiyyəti məlumatlandırıb. Beləliklə, yeni məhdudiyyətlərə əsasən, həftənin ilk beş günü Türkiyə vaxtı ilə saat 21.00-dan 5.00-dək evdən çıxmaq qadağan edilib. Şənbə günü axşam 21-də başlanan “evdə qalmaq” kampaniyası bazar ertəsi saat 5.00-a qədər qüvvədə olacaq. Evdən çıxmaq üçün xüsusi icazəsi olmadığı halda 65 yaşdan yuxarı və 20 və bundan aşağı yaş həddə olan şəxslər ictimai nəqliyyatdan istifadə edə bilməyəcəklər.

Dövlət başçısı çıxışında gündəlikdə olan digər məsələlər barədə də geniş məlumat verib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.