DÜNYA


Türkiyə ilə Misir arasında münasibətlərin normallaşması istiqamətində müzakirələr aparılacaq

Ankara, 5 may, AZƏRTAC

Mayın 5-də Qahirə şəhərində Türkiyə ilə Misir arasında münasibətlərin normallaşması istiqamətində müzakirələr başlayacaq.

AZƏRTAC xəbər verir ki, məlumatı Türkiyə Xarici İşlər Nazirliyi yayıb. Bildirilir ki, iki gün davam edəcək müzakirələrdə iştirak edəcək heyətlərə Türkiyə xarici işlər nazirinin müavini Sedat Önal və Misir xarici işlər nazirinin müavini Hamdi Sanad Lozan başçılıq edəcək.

Aparılacaq məsləhətləşmə xarakterli müzakirələr iki ölkə arasında əlaqələrin ikitərəfli və regional aspektdən normallaşması istiqamətində atılması zəruri olan addımlar ətrafında aparılacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.