DÜNYA


Türkiyə ilə Rusiya COVID-19 peyvəndinin hazırlanması istiqamətində əməkdaşlıq edəcək

İstanbul, 2 iyun, AZƏRTAC 

Türkiyə ilə Rusiya COVID-19 peyvəndinin hazırlanması istiqamətində əməkdaşlığa başlayır.

AZƏRTAC xəbər verir ki, bu məqsədlə Türkiyənin Səhiyyə naziri Fahrettin Koca ilə Rusiyalı həmkarı Mixail Muraşko arasında videokonfrans vasitəsilə görüş keçirilib.

Görüş zamanı yeni növ koronavirusa qarşı peyvənd və dərman istehsalı sahəsində təcrübə mübadiləsi, eləcə də klinik sınaqlarda əməkdaşlıq barədə razılıq əldə olunub. Bu məqsədlə ilk toplantı iyunun 4-də Türkiyə və Rusiyanın elm adamları arasında olacaq.

Hazırda Türkiyənin 22 mərkəzində COVID-19 peyvəndinin hazırlanması istiqamətində işlər aparılır. Dörd mərkəzdə isə hazırlanan ilk preparatlar heyvanlar üzərində sınaqdan keçirilir.

 

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.