DÜNYA


Türkiyə ilə Rusiya arasında ticarət dövriyyəsi ilin sonunadək 60 milyard dollara çata bilər

Bakı, 28 iyul, AZƏRTAC

Türkiyə və Rusiya arasında ticarət dövriyyəsi 2022-ci ilin sonuna qədər 60 milyard dollara çata bilər.

AZƏRTAC türk mediasına istinadla xəbər verir ki, bunu Türkiyə- Rusiya İşgüzar Şurasının rəhbəri Kani Karaaslan deyib.

“Altı ayın yekunlarına görə iki ölkə arasında ticarət dövriyyəsi 30 milyard dolları ötüb və 50 milyard dollara doğru irəliləyir. Hər iki ölkənin mərkəzi bankları məzənnə fərqindən yaranan itkilərin qarşısını almağı bacarsa, ilin sonunadək bu göstərici 60 milyard dollara çata bilər”, - deyə Karaaslan bildirib.

Türkiyəli biznesmen, həmçinin sərmayədarların və ixracatçıların milli valyutalar vasitəsilə qarşılıqlı hesablaşmalara keçməsinin tərəfdarı olduğunu vurğulayıb. Onun fikrincə, ikitərəfli ticarətin inkişafı üçün 5-10 ilə yönəlmiş uzunmüddətli planlar qurmaq lazımdır.

Ötən il Türkiyə ilə Rusiya arasında ticarət dövriyyəsinin həcmi təxminən 35 milyard dollar təşkil edib. Ankara ilin sonunadək ikitərəfli ticarətin 50 milyard dollara qədər artacağını proqnozlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.