SİYASƏT


Türkiyə mətbuatı: Ermənistan humanitar atəşkəsi yenə də kobud şəkildə pozdu

Ankara, 18 oktyabr, AZƏRTAC

Ermənistanın hərbi-siyasi rəhbərliyinin növbəti dəfə humanitar atəşkəs qərarına əməl etməməsi Türkiyə kütləvi informasiya vasitələrinin əsas mövzusudur. Ekspertlər hesab edirlər ki, Paşinyan hakimiyyəti cəbhədəki biabırçı məğlubiyyətin ölkədə sosial partlayış yaradacağından ehtiyatlanaraq erməni hərbçilərinin meyitlərini qəbul etmək istəmir.

AZƏRTAC xəbər verir ki, cəbhədəki son vəziyyət, o cümlədən düşmən ordusunun Azərbaycanın dinc əhalisini hədəfə alması Türkiyə mediası tərəfindən diqqətlə izlənilir. Oktyabrın 18-də saat 12.30-da cəbhənin Cəbrayıl istiqamətində Azərbaycan Ordusunun mövqelərinə aviazərbələr endirməyə cəhd göstərən Ermənistan silahlı qüvvələrinin növbəti “Su-25” hücum təyyarəsinin Azərbaycan Hava Hücumundan Müdafiə bölmələri tərəfindən məhv edilməsi xəbəri qardaş ölkə mətbuatında mühüm xəbər kimi sürətlə yayılıb. Bildirilir ki, atəşkəs qərarı ilə döyük təyyarəsinin Azərbaycan mövqelərinə qarşı səmaya qaldırılması bir-birinə ziddir.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.