DÜNYA


Türkiyə parlamentinə sədr seçkisi keçirilir

İstanbul, 12 iyul, AZƏRTAC 

Türkiyə Böyük Millət Məclisinə (TBMM) sədr seçkisi keçirilir.

AZƏRTAC xəbər verir ki, seçki dörd namizəd arasında aparılır.

Hakim Ədalət və İnkişaf Partiyasının (AKP) namizədi Binəli Yıldırımdır. Sədrliyə iddialı olmayan Millətçi Hərəkat Partiyası (MHP) AKP-nin namizədini müdafiə edir.

Cümhuriyyət Xalq Partiyası (CHP) Erdoğan Toprakın, Xalqların Demokratik Partiyası (HDP) Meral Danış Beştaşın, İYİ Partiya isə Hayrettin Nuhoğlunun namizədini irəli sürüb.

Namizəd ilk iki səsvermədə 600 deputatın 400-nün etimadını qazanmaqla sədr seçilə bilər. Bu səsvermələrdə sədr seçilə bilməsə, növbəti səsvermədə 301 səs yeni sədrin müəyyən olunmasına yetərlidir.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.