DÜNYA


Türkiyə tərəfi Suriya ilə sərhəddə müdafiə tədbirlərini gücləndirir

Ankara, 2 yanvar, AZƏRTAC 

Türkiyə tərəfi Suriya ilə dövlət sərhədi boyunca əlavə müdafiə tədbirləri həyata keçirməkdə davam edir.

AZƏRTAC xəbər verir ki, Türkiyə Silahlı Qüvvələrinin qoşun birləşmələri ölkənin cənub-şərq bölgəsinə əlavə hərbi-texnika cəlb etməkdədir. Hələlik Türkiyə hökumətinin Suriya ərazisində həyata keçirdiyi antiterror əməliyyatlarının növbəti mərhələsinin forması və hansı bölgəni əhatə edəcəyi barədə dəqiq məlumat verilmir.

Rəsmi məlumata görə, milli müdafiə naziri Hulusi Akar ordu komandanları ilə birlikdə ötən il dekabrın 31-dən başlayaraq bölgəyə səfər edib. Səfər çərçivəsində hərbi hissələrdəki müdafiə vəziyyəti yoxlanılıb, əsgərlərlə bayramlaşma olub, Suriyanın Eşmə kəndində yerləşən Süleyman Şah Türbəsi ziyarət edilib.

Yeni ilin ilk günü Türkiyə-İran sərhədində yerləşən “Kurtömər Hudut” polis məntəqəsi PKK terrorçularının raket atəşinə məruz qalıb. Bir əsgər yaralanıb.

Şırnak vilayətinin Silopi və Cizre rayonlarında isə PKK terrorçularının üç dəfə ayrı-ayrı hərbi hissələrə oyuncaq təyyarə ilə tətbiq etmək istədikləri terror aktının qarşısı alınıb.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.