DÜNYA


Türkiyə və Rusiya hərbçiləri Suriyada birgə patrul xidməti aparacaqlar

Bakı, 22 oktyabr, AZƏRTAC 

Türkiyə və Rusiya hərbçiləri Suriyanın şimalında birgə patrul xidməti həyata keçirəcəklər.

AZƏRTAC xəbər verir ki, bunu Türkiyə Prezidenti Rəcəb Tayyib Ərdoğan Soçidə Rusiya Prezidenti Vladimir Putinlə görüşdən sonra keçirilən mətbuat konfransında deyib.

Prezident Ərdoğan bildirib ki, sabahdan başlayaraq 150 saat ərzində kürd birləşmələri 30 kilometrlik ərazini tərk edəcəklər və bundan sonra Türkiyə və Rusiya hərbçiləri həmin ərazilərdə patrul xidmətinə başlayacaq. Birgə patrul xidməti Türkiyə sərhədindən Suriya ərazisinin 10 kilometr dərinliyinədək olan hissəsini əhatə edəcək.

Bundan başqa, terrorçular Tel Rifat və Mənbiç şəhərlərini də tərk edəcək və Türkiyə sərhədindən 30 kilometr kənara çəkiləcəklər.

Qeyd edək ki, Rusiya və Türkiyə prezidentlərinin Soçi görüşü altı saatdan çox davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.