DÜNYA


Türkiyə və Rusiya prezidentləri arasında təkbətək görüş olub

Ankara, 1 dekabr, AZƏRTAC 

Türkiyə Prezidenti Rəcəb Tayyib Ərdoğanın Rusiya Prezidenti Vladimir Putin ilə Argentinanın paytaxtı Buenos-Ayres şəhərində təkbətək görüşü olub.

AZƏRTAC xəbər verir ki, görüş “Böyük İyirmilik” ölkələri liderlərinin sammiti çərçivəsində keçirilib.

Türkiyə Prezidenti ilə İstanbulda görüşünü xatırladan Vladimir Putin iki ölkə arasında mövcud olan bəzi məsələlərin həlli istiqamətində atılan addımları yüksək qiymətləndirib. “Türkiyə müstəqil xarici siyasət yürütdüyünü və etibarlı tərəfdaş olduğunu bir daha təsdiqləyib”, - deyə V.Putin vurğulayıb.

Görüşdə prezidentlər Suriya məsələsini də müzakirə ediblər.

Prezident Rəcəb Tayyib Ərdoğan rusiyalı həmkarına Suriya ilə bağlı daha bir sammitin keçirilməsini təklif edib. “Biz bu yaxınlarda İstanbulda İdliblə əlaqədar sammit keçirdik. Orada bu problemin həlli istiqamətində atılacaq addımları da müzakirə etdik. Düşünürəm ki, bu məsələ ilə bağlı daha bir sammit keçirmək lazımdır”, - deyə Türkiyə Prezidenti əlavə edib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.