DÜNYA


Türkiyədə Çanaqqala zəfərinin 104-cü ildönümü qeyd olunur VİDEO

İstanbul, 18 mart, AZƏRTAC

Türkiyənin Çanaqqala şəhərində 1915-ci il şəhidlərini anma və Çanaqqala dəniz döyüşlərində qələbənin 104-cü ildönümü münasibətilə rəsmi mərasim keçirilib.

AZƏRTAC xəbər verir ki, anım mərasimində Türkiyə Prezidenti Rəcəb Tayyib Ərdoğan, milli müdafiə naziri Hulusi Akar və digər rəsmi şəxslər iştirak ediblər.

Mərasimdə Çanaqqala şəhidlərinin əziz xatirəsi ehtiramla anılıb, Şəhidlər Xiyabanına tər çiçəklər düzülüb. Burada qəhrəman türk övladlarının əziz xatirəsinə ucaldılmış abidənin önünə əklillər qoyulub.

Dəniz döyüşlərini canlandırmaq məqsədilə gəmilərin Çanaqqala boğazından keçidi olub. Türkiyə ordusunun “Şahin”ləri Çanaqqala səmasında möhtəşəm aviaşou nümayiş etdiriblər.

Mərasim çərçivəsində Çanaqqala şəhidlərinin xatirəsinə inşa edilmiş məscidin açılışı olub.

Bayram mərasimi müxtəlif tədbirlərlə davam edib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.