DÜNYA


Türkiyədə FETÖ terror təşkilatı ilə əməkdaşlıqda şübhəli bilinən hərbçilərin saxlanılması istiqamətində növbəti əməliyyat başladılıb

İstanbul, 24 may, AZƏRTAC

Türkiyə Silahlı Qüvvələrinin (TSK) FETÖ/PDY terror təşkilatı ilə əməkdaşlıqda şübhəli bilinən hərbi qulluqçularının saxlanılması istiqamətində növbəti genişmiqyaslı əməliyyat keçirilir.

AZƏRTAC xəbər verir ki, bu istiqamətdə aparılan istintaq nəticəsində TSK-nın 60 üzvünün saxlanılmasına qərar verilib. Qərar əsasında mərkəzi İzmir olmaqla ölkənin 26 vilayətində paralel əməliyyatlar başladılıb. Onların arasında ölkənin Quru Qoşunları, Hərbi Dəniz və Hava qüvvələrinin əməkdaşları da var. İndiyədək bu şəxslərdən 44-ü ələ keçirilib.

Digər şübhəli şəxslərin də saxlanılması istiqamətində əməliyyatlar davam etdirilir.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.