DÜNYA


Türkiyədə Rusiya səfirinin öldürülməsi ilə bağlı məhkəmə yanvarın 8-də başlayacaq

Bakı, 7 dekabr, AZƏRTAC

Türkiyə məhkəməsi Rusiyanın Ankaradakı səfiri Andrey Karlovun öldürülməsi ilə bağlı ittihamnaməni qəbul edib.

AZƏRTAC Anadolu informasiya agentliyinə istinadla xəbər verir ki, cinayət işi ilə bağlı məhkəmə prosesi 2019-cu il yanvarın 8-də başlayacaq.

Ankara Cümhuriyyət Baş Prokurorluğu tərəfindən hazırlanan və aralarında Fətullah Gülənin də olduğu 28 nəfərin yer aldığı ittihamnamədə şübhəli şəxslərə “konstitusiya quruluşunun devrilməsi”, “silahlı terror qruplaşmasına üzvlük”, “terror məqsədi ilə planlaşdırılan qətl” və digər ittihamlar irəli sürülüb, onlar barəsində ağırlaşdırılmış ömürlük və müxtəlif həbs cəzaları tələb edilib.

İttihamnamədə Karlovun həyat yoldaşı Marina Mixaylovna, həmçinin hücum zamanı yaralanan Anıl Deyer, Leyla Gündoğan və Anastas Zimrikaki də şikayətçi qismində yer alıblar.

Qeyd edək ki, Rusiyanın Türkiyədəki səfiri Andrey Karlov 2016-cı il dekabrın 19-da Ankarada fotosərginin açılışında çıxış edərkən qətlə yetirilib. Səfirə atəş açan polis əməkdaşı Mövlud Mert Altıntaş əməliyyatın gedişində öldürülüb. Karlov ölümündən sonra Rusiya Qəhrəmanı adına layiq görülüb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.