DÜNYA


Türkiyədə axtarışda olan terrorçu məhv edilib

Ankara, 30 iyun, AZƏRTAC

Türkiyədə keçirilən antiterror əməliyyatları nəticəsində daha bir təhlükəli terrorçu zərərsizləşdirilib.

AZƏRTAC xəbər verir ki, Daxili İşlər Nazirliyi tərəfindən axtarışda olan “Partizan” ləqəbli Adil Akyürək Hakkarinin Yüksekova bölgəsində məhv edilib. A.Akyürək 2018-ci il iyulun 31-də yolda partlayıcı qurğu quraşdırmaqla polis serjantı Serkan Karakayanın həyat yoldaşı Nurcan Karakayanın və 11 aylıq oğlu Bedirhan Mustafa Karakayanın ölümündə təqsirli bilinir. S.Karakayanın ailə üzvləri onu xidməti yerində ziyarət edib geri dönərkən bomba işə salınıb.

Daxili İşlər Nazirliyi terrorçunun tutulması üçün 500 min türk lirəsi (təxminən 75 min ABŞ dolları) mükafat vəd etmişdi. Terrorçunun məhv edildiyi yerdə ona məxsus çoxlu sayda silah-sursat ələ keçirilib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.