DÜNYA


Türkiyədə baş verən zəlzələ başda Antalya olmaqla bir çox ətraf rayonlarda hiss edilib

İstanbul, 5 dekabr, AZƏRTAC

Antalya valisi Ersin Yazıcı bölgədə baş verən 5,2 bal gücündə zəlzələ ilə bağlı açıqlama verib.

AZƏRTAC xəbər verir ki, məlumata əsasən, yeraltı təkanların ocağı Antalyanın Qazipaşa rayonu sahillərindən 38 kilometr uzaqlıqda, Aralıq dənizinin 77 kilometr dərinliyindədir. Zəlzələ başda Antalya olmaqla bir çox ətraf rayonlarda hiss edilib. İndiyədək xəsarət alan və ya dağıntılarla bağlı heç bir məlumat daxil olmayıb. Yeraltı təkanların fəsadları ilə bağlı araşdırmalar aparılır. Ölkədə komendant saatı olmasını nəzərə alaraq əhaliyə evlərinin önünə çıxmağa icazə verilir.

Qeyd edək ki, Türkiyənin Kandilli Rəsədxanası tərəfindən yeraltı təkanların gücü 5,4 bal olaraq hesablanıb.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.