DÜNYA


Türkiyədə hərbi sursat anbarında baş vermiş partlayışda 4 hərbçi həlak olub

Ankara,10 noyabr, AZƏRTAC 

Noyabrın 9-da Türkiyənin Hakkari bölgəsinin İraqla sərhədində yerləşən Şemdinli rayonuna bağlı Derecik Ortaklar kəndində hərbi sursat anbarında baş verən partlayışda dörd hərbçi həyatını itirib.

AZƏRTAC xəbər verir ki, hadisənin təfərrüatı barədə Türkiyə Prezidenti Rəcəb Tayyib Ərdoğan məlumat verib. Partlayış nəticəsində, həmçinin 20-dək hərbçinin yaralandığı bildirilir. Yaralılar helikopterlərlə Yüksekova və Hakkari xəstəxanalarına çatdırılıb.

Hələlik partlayışın səbəbi açıqlanmır. Hadisənin baş verdiyi yerdən videomaterial yaymaq rəsmən qadağan olunub.

 

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.