DÜNYA


Türkiyədə insanlar İstanbulda yerləşən “15 iyul Xatirə Kompleksi”nə axın edirlər VİDEO

İstanbul, 15 iyul, AZƏRTAC

Türkiyədə insanlar 2016-cı il iyulun 15-də ölkədə baş verən dövlət çevrilişinə cəhd zamanı canından keçənlərin xatirəsinə ucaldılan “15 iyul Xatirə Kompleksi”nə axın edirlər.

AZƏRTAC xəbər verir ki, İstanbulun iki qitəsini birləşdirən “15 iyul” körpüsünün Asiya hissəsində yerləşən abidə kompleksinə gələnlər arasında yerli vətəndaşlarla yanaşı turistlər də var. Abidəni hər il minlərlə insan ziyarət edir.

2018-ci ildə rəsmi açılışı olan abidə kompleksi ölkənin birliyini təmsil edir. Memar Hilmi Şenalp tərəfindən inşa edilən abidənin ornamentləri xəttat Hüseyn Kutlu tərəfindən hazırlanıb. Beşbucaqlı formada işlənmiş “15 iyul Xatirə Kompleksi”ndə o günün şəhidlərinin adları sıra ilə lövhələrdə qeyd olunub. Abidənin üst hissəsinə “Qurani-Kərim”dən ayələr həkk olunub. Tikilinin ətrafında hər bir şəhidin adına sərv ağacı və qızılgül əkilib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.