DÜNYA


Türkiyədə koronavirusa yoluxanların sayı 290 minə yaxınlaşır

Ankara, 11 sentyabr, AZƏRTAC

Türkiyə üzrə xəstəxanalarda çarpayıların 48 faizi, reanimasiyalardakı yerlərin 33 faizi, süni nəfəs aparatlarının isə 68 faizi boşdur. Yeni növ koronavirus (COVID-19) infeksiyası ilə mübarizədə Türkiyə hökumətinin əsas hədəfi yoluxma sayındakı artımın qarşısını almaqdır.

AZƏRTAC xəbər verir ki, bu sözləri Türkiyənin Səhiyyə naziri Fahrettin Koca ölkənin səhiyyə sahəsindəki vəziyyətini dəyərləndirərək ifadə edib.

Nazir bildirib ki, bu mövsüm qrip riski ilə bağlı peyvənd tədarükündə də ehtiyatlar artırılır. Sentyabrın 10-da Türkiyə üzrə 107 min 702 nəfər koronavirus testindən keçirilib. Onlardan 1512 nəfər xəstə çıxıb. Sutka ərzində 1219 nəfər sağalıb, 58 xəstə dünyasını dəyişib. Gündəlik ölüm halında da yüksəliş davam edir. Bu vaxtadək koronavirusa yoluxanların sayı 286 min 455 nəfərə çatıb.

 

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.