DÜNYA


Türkiyədə yaşı 65-dən yuxarı olanlara maska və dezinfeksiya vasitələri ödənişsiz paylanılır

İstanbul, 8 aprel, AZƏRTAC

Türkiyədə yeni növ koronavirusa qarşı aparılan qabaqlayıcı tədbirlər çərçivəsində yaşı 65-dən yuxarı olanlara maska və dezinfeksiya vasitələrinin ödənişsiz paylanılmasına başlanılıb. Layihəyə pilot şəhər seçilən İstanbulda start verilib.

AZƏRTAC xəbər verir ki, bu barədə İstanbul valisi Ali Yerlikaya bildirib.

Qeyd edilib ki, tibbi vasitələrin vətəndaşlara paylanılması üçün şəhərin 39 rayonunda yerləşən 125 məktəb binası paylama məntəqəsi olaraq fəaliyyətə başlayıb. Bu vasitələrin vətəndaşlara çatdırılması prosesinə polis, jandarma da daxil olmaqla ümumilikdə 7 min 200 nəfər cəlb olunub.

Bu barədə məlumat verən Türkiyənin Milli Müdafiə naziri Hulusi Akar ölkədə hər həftə 10 milyon maska istehsal olunacağını bildirib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.