CƏMİYYƏT


Türkiyədən gələn klinik psixoloqlar Gəncə və Bərdə şəhərlərində də fəaliyyətə başlayacaqlar VİDEO

Bakı, 18 fevral, AZƏRTAC

Vətən müharibəsi ilə əlaqədar psixoloji problemlər yaşayan qazilərimizin, o cümlədən doğmalarını itirmiş şəhid ailəsi üzvlərinin, erməni terrorundan fiziki və mənəvi zərər görmüş insanların psixoloji reabilitasiyasının daha səmərəli təşkili məqsədilə Fövqəladə Hallar Nazirliyinin (FHN) dəvəti ilə qardaş Türkiyədən ölkəmizə gələn peşəkar klinik-psixoloq və psixoterapevtlərdən ibarət qrup fəaliyyətini uğurla davam etdirir. Qrupun üzvləri artıq bir aya yaxındır ki, nazirliyin psixoloqları ilə birgə paytaxtda çalışırlar.

FHN-in mətbuat xidmətindən AZƏRTAC-a bildiriblər ki, Türkiyədən olan psixoloq mütəxəssislərin iştirakı ilə Bakı ilə yanaşı, fevraldan etibarən Gəncə və Bərdə şəhərlərində də müharibədən və erməni terrorundan fiziki və mənəvi zərər görmüş vətəndaşlarımızın psixoloji reabilitasiyası işinə başlanılacaq.

Bu regionlarda yaşayan vətəndaşlar qeydiyyat üçün FHN-in 112 - qaynar telefon xəttinə zəng edə bilərlər.

Psixoloq-mütəxəssislərin qəbulu ödənişsiz həyata keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.