QAN YADDAŞI


Türkiyəli alim: Xocalı soyqırımının tanıdılması Dağlıq Qarabağ problemini ədalətli həllinin bünövrəsidir

Ankara, 23 fevral, AZƏRTAC

Xocalı soyqırımı insanlıq əleyhinə cinayətdir. Bu bəşəri cinayət insan haqlarının təməl prinsiplərinə təhdiddir, müasir dünyanın gözü qarşısında törədilən soyqırımı aktıdır.

Türkiyənin Orta Doğu Teknik Universitetinin dosenti, siyasi elmlər doktoru Ayça Ergun bu fikirləri AZƏRTAC-a açıqlamasında ifadə edib.

“Xocalıya ədalət!” beynəlxalq məlumatlandırma kampaniyasını yüksək dəyərləndirən alim deyib: “Xocalıya ədalət tələb etmək Qarabağ üçün ədalət deməkdir. Xocalı soyqırımı keçmiş sovetlər birliyinin süqutundan sonra Azərbaycanın ərazi bütövlüyünə, dövlətçiliyinə və milli inkişafına qarşı bir təhdiddir. Xocalıda törədilənlər, sadəcə, hərbi cinayət kimi dəyərləndirilə bilməz. Bu bəşəri cinayət Azərbaycan xalqına, insanlığa qarşı məqsədli və planlı surətdə törədilən soyqırımıdır. Ona görə də Xocalı faciəsi ilə bağlı həqiqətlərin beynəlxalq ictimaiyyətə daha geniş çatdırılması mühüm və təxirəsalınmaz məsələdir. “Xocalıya ədalət!” Qarabağ probleminin Azərbaycanın ərazi bütövlüyü və hüquqlarının qorunması şərti ilə həll olunmasında vacib bir fəaliyyətdir. Azərbaycan Qarabağsız təsəvvür edilə bilməz. Xocalı soyqırımının tanıdılması Dağlıq Qarabağ problemini ədalətli həllinin bünövrəsidir”.

 

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.