SİYASƏT


Türkiyəli nazirlər Ermənistanın dinc azərbaycanlı əhalini hədəfə almasını şiddətlə qınayıblar

İstanbul, 17 oktyabr, AZƏRTAC

Türkiyəli nazirlər Ermənistanın Azərbaycanın Gəncə və digər bölgələrinə hücumlarını şiddətlə qınayıblar.

AZƏRTAC xəbər verir ki, bu barədə nazirlər rəsmi “Twitter” səhifələrində bildiriblər.

Türkiyənin Kənd Təsərrüfatı və Meşəçilik naziri Bekir Pakdemirli “Twitter”dəki hesabında etdiyi paylaşımda bildirib: “Ermənistanın dinc əhalini hədəf alan amansız hücumları davam edir. Azərbaycanlı qardaşlarımıza qarşı törədilən bu hücumları şiddətlə qınayıram. Türkiyə hər zaman azərbaycanlı qardaşlarının yanındadır. Şəhid olan qardaşlarımıza Allahdan rəhmət, yaxınlarına səbir diləyirəm”.

“Gəncədə günahsız insanları qətlə yetirən Ermənistan bölgədə sülhün və əmin-amanlığın qarşısında ən böyük təhlükə olduğunu bir daha göstərmiş oldu. Müharibə cinayəti işləyən Ermənistanın zülmü qarşısında dünya kor və kar olsa da, biz can Azərbaycanımızın hər zaman yanındayıq”.

Bu fikirləri isə Türkiyənin Ətraf Mühit və Şəhərsalma naziri Murat Kurum “Twitter”dəki paylaşımında bildirib.

Terrorçuların ömrünün daim qısa olduğunu vurğulayan Türkiyənin Səhiyyə naziri Fahrettin Koca isə qeyd edib: “Birbaşa Azərbaycan xalqını hədəf alan, aralarında uşaqların da olduğu çox sayda insanın ölümünə və yaralanmasına səbəb olan raket hücumları həyata keçirən Ermənistanı və onun barbarlıq nümayiş etdirən ordusunu lənətləyirik”.

 

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.