ELM VƏ TƏHSİL


Türkiyənin baş konsulu: Yeni açılan Azərbaycan məktəbi Vətənlə əlaqələri daha da möhkəmləndirəcək VİDEO

Nant, 22 aprel, AZƏRTAC

Qürbətdə yaşayan bacı-qardaşlarımız üçün belə məktəbin açılması çox vacibdir. Qürbətdəki soydaşlarımızın mədəniyyətlərindən, adət-ənənələrindən uzaq düşməməsi üçün belə məktəblərin rolu əvəzedilməzdir.

Bu sözləri AZƏRTAC-a müsahibəsində “Qarabağ” Azərbaycan məktəbinin açılışında iştirak edən Nant şəhərində Türkiyənin baş konsulu İshak Ebrar Çubukçu söyləyib.

O qeyd edib ki, Nantda yaşayan azərbaycanlıların övladlarının Azərbaycan tarixini, mədəniyyətini və dilini bilməsi çox önəmlidir. Vətənlə olan əlaqələri daha da möhkəmləndirmək lazımdır.

“Regionda Türkiyənin baş konsulu kimi müəllimlərimizlə görüşürük. Burada doğulan uşaqların vaxtaşırı ölkələrinə getməsinin, Vətənlə olan tellərin daha da möhkəmləndirilməsinin vacibliyindən söz açırıq. Ancaq onlar Fransada yaşadıqları üçün bu ölkənin dilini və mədəniyyətini də yaxşı bilməlidirlər. Bu, onların yerli cəmiyyətə inteqrasiyası üçün vacib amillərdəndir. Azərbaycan icmasını məktəbin açılışı münasibəti ilə təbrik edirəm. Əminəm ki, məktəbin işi xeyirli və uğurlu olacaq”, - deyə İshak Ebrar Çubukçu bildirib.

Şəhla Ağalarova

AZƏRTAC-ın xüsusi müxbiri

Nant

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.