CƏMİYYƏT


Türkiyənin daxili işlər naziri: Birbaşa dəstəkləri ilə yanımızda olan azərbaycanlı qardaşlarımıza dərindən təşəkkür edirik VİDEO

Marmaris, 2 avqust, AZƏRTAC

Bu çətin günlərdə, alovun evlərimizi yandırdığı bir vaxtda yanımızda olduqlarına görə Azərbaycana, bütün qardaşlarımıza təşəkkür edirik.

Bunu Türkiyənin daxili işlər naziri Süleyman Soylu Marmarisdə yanğın böhranı bölgəsində AZƏRTAC-ın xüsusi müxbirinə açıqlamasında bildirib.

Nazir bildirib: “Antalyada, Muğlada tüğyan edən yanğınların söndürülməsinə həm duaları, həm də verdikləri dəstəklə yanımızda olan bütün Azərbaycana minnətdarıq”.

Xatırladaq ki, Azərbaycan Respublikası Prezidentinin tapşırığına əsasən, FHN-in yanğınsöndürmə qüvvələrinin 100 əməkdaşından ibarət birinci qrup iyulun 31-də Türkiyəyə gəlib. Ötən gün axşam saatlarında isə FHN-in daha bir yanğın-xilasetmə qrupu qardaş ölkəyə yola salınıb. İkinci qrupa 1 helikopter, 53 yanğınsöndürmə və xüsusi təyinatlı xilasetmə texnikası, 1 təcili tibbi yardım avtomobili, 220 yanğınsöndürən və xilasedici daxildir.

İkinci qrup artıq Türkiyə ərazisinə daxil olub və yanğınların baş verdiyi bölgəyə doğru irəliləyir.

Sabir Şahtaxtı

AZƏRTAC-ın xüsusi müxbiri

Marmaris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.