DÜNYA


Türkiyənin hava yollarından bu ilin ilk dörd ayı ərzində 24 milyona yaxın sərnişin istifadə edib

İstanbul, 15 may, AZƏRTAC

COVID-19 pandemiyasına baxmayaraq, bu ilin ilk dörd ayı ərzində Türkiyənin hava yollarından ümumilikdə 23 milyon 864 min 835 sərnişin istifadə edib.

AZƏRTAC xəbər verir ki, bu barədə Türkiyənin Nəqliyyat və İnfrastruktur Nazirliyinin Dövlət Hava Meydanları İdarəsindən bildirilib.

Bu müddət ərzində qardaş ölkənin hava limanlarından ümumilikdə 385 min 40 səfər həyata keçirilib. Onlardan 185 min 156-ı daxili, 84 min 201-i xarici, digərləri isə tranzit və ya karqo reysləridir.

Bu ilin yanvar-aprel ayları ərzində dünyanın ən böyük aeroportlarından olan İstanbul hava limanından isə 64 min 466-a təyyarə və 7 milyon 591 min 523 sərnişin istifadə edib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.