DÜNYA


Türkiyənin xarici işlər naziri Bosniya və Herseqovinaya səfər edib

Sarayevo, 18 iyun, AZƏRTAC

Türkiyənin xarici işlər naziri Mövlud Çavuşoğlu Balkan regionuna səfəri çərçivəsində Bosniya və Herseqovinaya gəlib.

AZƏRTAC xəbər verir ki, Mövlud Çavuşoğlu Sarayevoda Bosniya və Herseqovina Baş müftisi Hüseyn Kavazoviç, Bosniya və Herseqovina üzrə ali nümayəndə Kristian Şmidtlə görüşlər keçirib. Türkiyəli nazir müstəqil Bosniya və Herseqovinanın ilk prezidenti, bosniyalı lider Aliya İzzetbeqoviçin məzarını ziyarət edib, Sarayevo Universitetində məzun günündə iştirak edib.

Mövlud Çavuşoğlunun Bosniya və Herseqovinanın siyasi partiya rəhbərləri ilə görüşü nəzərdə tutulub.

Nihad Budaqov

AZƏRTAC-ın xüsusi müxbiri

Sarayevo

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.