DÜNYA


Türkiyəyə “Sinovac” vaksininin növbəti partiyası gətirilib

Ankara, 12 may, AZƏRTAC

Türkiyədə yeni növ koronavirus infeksiyasından dünyasını dəyişənlərin sayı sürətlə artmaqda davam edir. Son sutka ərzində bu xəstəlikdən daha 232 nəfərin ölməsi ilə infeksiya səbəbindən dünyasını dəyişənlərin ümumi sayı 43 min 821 nəfərə çatıb.

AZƏRTAC Səhiyyə Nazirliyinə istinadla xəbər verir ki, hazırda 2 min 827 xəstə bu infeksiya səbəbindən reanimasiyadadır.

Qeyd edək ki, Türkiyədə COVID-19-la mübarizə tədbirləri çərçivəsində kütləvi peyvəndləmə davam etdirilir. Vaksinləşmə əsasən Çindən alınan “Sinovac” vaksini ilə aparılır. Mayın 12-də “Sinovac” peyvəndinin növbəti hissəsi Türkiyəyə gətirilib. Hökumət 100 milyon “Sinovac” vaksini almaq üçün anlaşma imzalayıb. Bundan başqa, istehsalçı şirkət “Sinovac” vaksininin Türkiyədə tədarük edilməsi ilə bağlı lisenziya verib. Səhiyyə naziri Fahrettin Kocanın məlumatına görə, mayın 13-dən etibarən yaşından asılı olmayaraq tibb işçilərinin həyat yoldaşlarının da peyvəndlənməsinə başlanılacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.