DÜNYA


Türkmənistan istehsal etdiyi azot gübrələrinin ixracına başlayıb

Aşqabad, 17 oktyabr, AZƏRTAC

Türkmənistanın Balkan vilayətinin Qaraboğaz şəhərində sentyabrın 8-də istismara verilən "Qaraboğazkarbamid" zavodu azot gübrələrinin ilk ixrac partiyasını yola salıb.

Xarici istehlakçılara çatdırılacaq mineral gübrələrdən ibarət yük maşınları Türkmənbaşı Beynəlxalq Dəniz Limanına yola düşüb. "Qaraboğazkarbamid" zavodu sutkada 3,5 min ton, illik istehsal gücü 1 milyon 155 min ton azot və sutkada 2 ton ammiak istehsal edir.

AZƏRTAC Türkmənistan Dövlət Statistika Komitəsinin məlumatına əsasən bildirir ki, 2018-ci ilin yanvar-sentyabr aylarında "Turkmənkimiya" şirkətlər qrupu tərəfindən mineral gübrələrin istehsalı ötən ilin eyni dövrü ilə müqayisədə 4,1 faiz artaraq 845,9 min ton təşkil edib.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.