CƏMİYYƏT


Türkmənistanda beynəlxalq media forumu keçirilib

Aşqabad, 16 sentyabr, AZƏRTAC

Aşqabadda Türkmənistanın daimi bitərəfliyinin 25 illiyinə və BMT Baş Assambleyasının 75-ci sessiyasında sədr müavini seçilməsinə həsr olunan beynəlxalq media forumu keçirilib.

AZƏRTAC xəbər verir ki, videokonfrans formatında keçirilən beynəlxalq media forum Türkmənistan və Asiya-Sakit Okean Yayım Birliyi (ABU) tərəfindən təşkil edilib.

Forumda Türkmənistanın bir sıra qurumlarının, akkreditə olunmuş beynəlxalq təşkilatların diplomatik nümayəndəliklərinin, milli kütləvi informasiya vasitələrinin nümayəndələri, nüfuzlu xarici televiziya və radio yayım təşkilatlarının rəhbərləri, həmçinin dünyanın 300-dən çox informasiya agentliyinin 68 müxbiri iştirak edib.

Azərbaycan Dövlət İnformasiya Agentliyinin (AZƏRTAC) də təmsil olunduğu forumda çıxış edənlər ölkənin daimi bitərəflik statusunu xüsusi vurğulayıblar. Bu kontekstdə iştirakçılar Türkmənistanın xarici siyasətinin uğurlu və səmərəli olduğunu bildiriblər.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.