DÜNYA


Türkmənistanda ixrac-idxal əməliyyatları üçün “vahid pəncərə” layihəsi işə salınacaq

Aşqabad, 21 oktyabr, AZƏRTAC

Türkmənistanda qarşıdakı iki ildə “İxrac və İdxal Əməliyyatları üçün Vahid Pəncərə” layihəsi sınaqdan keçiriləcək. Layihənin istifadəsi 2023-cü ildə nəzərdə tutulub.

AZƏRTAC yerli KİV-lərə istinadən xəbər verir ki, layihə Türkmənistan Dövlət Gömrük Xidmətinin təşəbbüsü ilə BMT-nin İnkişaf Proqramı tərəfindən təşkilatın Ticarət və İnkişaf Konfransı ilə birlikdə həyata keçirilir.

Türkmənistanda "vahid pəncərə"nin məqsədi ticarət prosedurlarını, ixrac və idxal olunan yüklərin rəsmiləşdirilməsi və keçməsi prosesinin asanlaşdırmaqdır.

"Vahid pəncərə" sistemi "bir nöqtədən" müvafiq sertifikatların, icazələrin və lisenziyaların alınması da daxil olmaqla, ixrac-idxal əməliyyatlarının bütün zəruri prosedurlarını həyata keçirməyə imkan verən onlayn portaldır. Bu zaman yükün məlumatları və onun zəruri sənədləri bir dəfə daxil edilir ki, bu da portalda iştirak edən dövlət müəssisələrinin hərəkətlərində yüksək operativliyi təmin edir.

İlahə Əhmədova

AZƏRTAC-ın xüsusi müxbiri

Aşqabad 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.