DÜNYA


Türkmənistanda paytaxt gününə həsr olunmuş sərgi keçirilir

Aşqabad, 26 may, AZƏRTAC

Türkmənistan Ticarət və Sənaye Palatasının sərgi mərkəzində "Ağ şəhər - Aşqabad" beynəlxalq sərgisi açılıb. Hər il mayın 25-də Aşqabad şəhərinin bayramı qeyd edilir və bu münasibətlə ənənəvi olaraq beynəlxalq sərgi keçirilir.

AZƏRTAC xəbər verir ki, Aşqabad Gününə həsr olunmuş sərgidə 100-ə yaxın şirkət və müəssisənin, nazirlik və idarələrin nümayəndələri iştirak edirlər.

Sərgi Aşqabadın turizm imkanları ilə tanış olmaq, Türkmənistan paytaxtında səyahət və istirahət sənayesinin inkişaf tendensiyaları haqqında ən son məlumat əldə etmək imkanı yaradır.

Qurbanqulu Berdiməhəmmədov sərgi iştirakçılarına müraciətində Türkmənistanın paytaxtının ölkənin inzibati, sənaye, təhsil, mədəniyyət mərkəzi kimi inkişafını davam etdirərək daha böyük hüdudlara çatacağını bildirib.

Sərgi öz işini bu gün başa çatdıracaq.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.