DÜNYA


“Tyanven-1” kosmik aparatı Mars orbitindən video göndərib VİDEO

Bakı, 12 fevral, AZƏRTAC

Çinin “Tyanven-1” pilotsuz kosmik aparatı Mars orbitindən çəkilmiş videonu Yerə göndərib.

AZƏRTAC xəbər verir ki, videoçarx Çin Mərkəzi Televiziyasında nümayiş olunub. Zond Qırmızı planetin Günəş tərəfindən işıqlandırılan hissəsindən onun qaranlıq tərəfinə doğru hərəkət edərək Marsın səthini çəkib. Kadrlarda, həmçinin Mars relyefini görmək olar.

“Tyanven-1” fevralın 10-da uğurla Marsın ilkin elliptik orbitinə çıxıb. Mütəxəssislər onun may-iyun aylarında Utopiya düzənliyinin cənub hissəsinə yumşaq eniş edəcəyini gözləyirlər. Planetin bu hissəsində qrunt sularının olması ehtimal edilir. Mars zondu orada torpağın, ionosferin və iqlimin tədqiqi ilə məşğul olacaq.

Zond iyulun 23-də buraxılıb. Missiyanın uğurlu alınacağı təqdirdə alimlər Mars planetinin atmosferini, relyefini, geoloji xarakteristikasını, maqnit sahəsini öyrənə biləcəklər. Bununla yanaşı, missiyanın əsas məqsədi Marsın gələcəkdə insan həyatı üçün yararlı ola biləcəyi barədə suala cavab tapmaqda alimlərə kömək etməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.