İDMAN


UEFA Avropa Liqasında həftənin futbolçusu adına namizədlər müəyyənləşib

Bakı, 4 dekabr, Nicat Məmmədov, AZƏRTAC

UEFA Avropa Liqasının qrup mərhələsinin beşinci turundakı görüşlərin nəticələrinə əsasən həftənin ən yaxşı futbolçusu adına namizədlər müəyyənləşib.

AZƏRTAC UEFA-nın saytına istinadla xəbər verir ki, bu ada Fransanın “Lill” klubundan Burak Yılmaz, Norveçin “Molde” komandasından Maqnus Eykrem, Portuqaliyanın “Braqa” klubundan Qaleno və İtaliya “Milan” komandasından Yens Peter-Hauge namizəddirlər.

B.Yılmaz evdə Çexiyanın “Sparta” (Çexiya) komandasını 2:1 hesabı ilə məğlub etdikləri matçda dubl edib. M.Eykrem komandasının İrlandiyanın “Dandolk” klubunu 3:1 hesabı ilə qalib gəldiyi oyunda bir qol və bir məhsuldar ötürmə ilə yadda qalıb. Qaleno “Braqa”nın Yunanıstanda AEK-i 4:2 hesabı ilə üstələdiyi qarşılaşmada fərqlənib. Y.Hauge isə evdə “Milan” komandasının Şotlandiyanın “Seltik” klubu üzərində 4:2 hesablı qələbəsində mühüm rol oynayaraq bir qol vurub və bir məhsuldar ötürmə edib.

Qalib UEFA-nın rəsmi saytında azarkeşlər arasında səsvermə nəticəsində müəyyənləşəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.