İDMAN


UEFA Çempionlar Liqasının III təsnifat mərhələsinə yekun vurulub

Bakı, 15 avqust, AZƏRTAC

Avqustun 14-də BATE – “Qarabağ” oyunundan başqa keçirilən əlavə doqquz cavab qarşılaşması ilə UEFA Çempionlar Liqasının III təsnifat mərhələsinə yekun vurulub.

AZƏRTAC xəbər verir ki, bu turnirdə ölkəmizin yeganə təmsilçisi – Ağdamın “Qarabağ” klubu ilk oyunda 0:1 hesablı qələbədən sonra səfər matçında heç-heçə (1:1) edərək UEFA Çempionlar Liqasında mübarizəni dayandırıb.

Azərbaycan milli komandasının futbolçusu Riçard Almeydanın çıxış etdiyi Qazaxıstanın “Astana” komandası səfərdə Xorvatiyanın “Dinamo” klubu ilə qarşılaşıb. Doğma meydanda 0:2 hesabı ilə uduzan “Astana” cavab matçında da məğlubiyyətlə üzləşib – 0:1.

İstanbulun “Fənərbağça” klubu da UEFA Çempionlar Liqası ilə vidalaşıb. İlk oyunda Portuqaliyanın “Benfika” komandasına 0:1 hesabı ilə uduzan “Fənərbağça” İstanbuldakı cavab qarşılaşmasında rəqibin müqavimətini qıra bilməyib - 1:1.

Digər oyunlarda isə aşağıdakı nəticələr qeydə alınıb:

“Dinamo Kiyev” (Ukrayna) –“Slaviya Praqa” (Çexiya) – 2:0 (ilk oyunun nəticəsi - 1:1)

“Spartak” (Moskva, Rusiya) - PAOK (Yunanıstan) – 0:0 (2:3).

AEK (Yunanıstan) – “Seltik” (Şotlandiya) – 2:1 (1:1).

“Videoton” (Macarıstan) – “Malmö” (İsveç) – 0:0 (1:1)

“Şkendiya” (Makedoniya) – “Zalsburq” (Avstriya) – 0:1 (0:3).

“Ayaks” (Hollandiya) – “Standard” (Belçika) – 3:0 (2:2).

“Spartak” (Trnava, Slovakiya) – “Srvena Zvezda” (Serbiya) – 1:2 (1:1).

UEFA Çempionlar Liqasının III təsnifat mərhələsində qalib gələn 12 komanda qrup mərhələsinə vəsiqə uğrunda pley-offda mübarizə aparacaqlar. Pley-off mərhələsində aşağıdakı qarşılaşmalar keçiriləcək:

Avqustun 21-də və 29-da:

“Srvena Zvezda” - “Zalsburq”

BATE – “PSV Eyndhoven” (Hollandiya)

“Benfika” – PAOK

Avqustun 22-də və 28-də:

“Yanq Boys (İsveçrə) – “Dinamo Zaqreb”

“Videoton” - AEK

“Ayaks” – “Dinamo Kiyev”

Pley-off mərhələsindən sonra UEFA Çempionlar Liqasının qrup mərhələsinə vəsiqə qazanacaq son altı komanda müəyyənləşəcək.

UEFA Çempionlar Liqasının qrup mərhələsinin püşkü avqustun 30-da Monakoda atılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.